1. 我可以點樣訂購MOONTONE。CO 嘅美食?
非常簡單! 上面就有個美食餐點嘅按鈕啦,快啲㩒入去揀選我哋為你精心準備嘅美食啦,同埋我哋暫時剩係提供網上選購,敬請原諒。
2. 可以更改送貨時間或日期?
你可以喺原定送餐時間48小時前通知將送貨日期改至原定日期嘅60日內,手續費全免。但係每張到會訂單只可以修改內容一次咋 (包括訂餐項目、送貨時間、送貨地點、送貨日期等)
3. 需唔需要俾運費?
只要訂單金額達到指定數目,我哋就會全單免運費,仲幫你call埋車㗎啦。愈多人叫就會愈抵,所以快啲叫埋三五知己一齊開party啦! (詳情可以參閱運輸果頁)
4. 我應該點樣預送貨時間?
我哋會努力確保食物到你手上時仲係最佳狀態,不過實際交通情況比較難預料。司機會喺食物到附近嘅時候同你聯絡。一般到達時間為送貨時間嘅前後 30 分鐘,不過例如放工時間之類嘅繁忙時段,路面交通會較擠塞,還望大家諒解。
5. 請問你哋最遲幾時落單?
我哋接近一年365日都隨時候命架,視乎套餐款式、人數同節日,提前 5 - 10 日基本上冇問題,不過需要注意訂單要喺付款後先正式確認。特別日子例如聖誕、農曆新年、復活節、母親節、父親節等等當然愈早預訂愈好啦,為確保服務質素同食物品質,我哋都有機會喺繁忙日子提早截單嘅。
如果喺急單要視乎情況呀,盡快Whatsapp我哋,盡做俾你啦。
但如果你嘅活動人數超過50人,或者喺大型節日嘅時段預訂,我們建議最少提早10日呀。
6. 如果美食黎到散晒或者黎錯左咁點算?
我哋一直以客人為最大前提,我哋嘅同事會喺運送前確保所有訂單品質良好,但如果你收貨嘅時候發現有任何食物品質上的問題,請即刻同我哋聯絡,最好影低埋當時情況,方便我哋同運輸公司反映丫嘛。
7. 如果遇到惡劣天氣,我啲訂單會點處理架?
如果咁唔好彩遇上惡劣天氣,我哋最快會喺下一個工作天同你聯絡,商量下次送貨事宜。但由於我哋已經準備食材,訂單無法取消,但係最長能夠延期60日,希望大家諒解。
8. 可以提供正式付款收據嗎?
我哋知道可能有啲朋友仔要同機構或者公司Claim 錢,我哋可以提供正式收據。如果有需要嘅話,可以預訂時喺備注中列明「需要收據」同事就會連埋張收據放喺運送袋俾你。
9. 如果我嗌個套餐但怕唔夠食咁點啊?
唔洗擔心,我哋出名抵食夾大份。當然我哋都絕對明白每個Party或者活動都有不同嘅人數同食物喜好,所以到會套餐已經預設左唔同份量,如果想散嗌仲可以去單點到會美食到加購潻。
但係如果套餐內某啲菜式想轉換或加減份量,例如素食要求,就要WhatsApp我哋查詢報價啦。
10. 訂購美食包唔包餐具?
冇問題啦,我哋已經為每張訂單提供足夠嘅餐具數量,但如果有需要增加嘅話,你可以喺埋單嘅時候加購。不過為咗響應環保,我哋都鼓勵大家自備餐具,想唔要都可以喺備注講,幫地球叔叔多謝你。
11. 訂購美食洗唔洗做咗會員先?
唔洗啊,你可以以訪客身份訂購美食嘅。不過如果你可以做會員就最好啦,因為你可以第一時間收到我哋日後不同嘅優惠資訊。
如有任何爭議,MOONTONE將保留一切最終決定權。